Արտաքին քաղաքականության վերլուծությունների ինստիտուտում կայացած հանդիպման վերաբերյալ

10 նոյեմբերի, 2022

Ս.թ. նոյեմբերի 10-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի Հանրապետության Արտաքին գործերի նախարարությանն առընթեր Արտաքին քաղաքականության վերլուծությունների ինստիտուտի կառավարչության նախագահ Բոլատ Նուրգալիևի հետ:

Հանդիպման ընթացքում դեսպան Բ.Նուրգալիևը տեղեկատվություն տրամադրեց ինստիտուտի հիմնական գործառույթներն, որոնք առնչվում են Ղազախստանի ԱԳ նախարարության և երկրի ղեկավարության համար համաշխարային քաղաքականության և տնտեսության, տարածաշրջանային և միջազգային անվտանգության շուրջ արդի զարգացումների հաշվառմամբ համապատասխան առաջարկությունների մշակմանը:

Իր հերթին, ՀՀ դեսպան Ա.Ղևոնդյանը ներկայացրեց 2020թ. նոյեմբերի 9-ի եռակողմ, ինչպես նաև ի զարգացումն վերջինիս այլ հայտարարությունով արձանագրված դրույթների իրականացման ընթացքը: Դեսպան Բ.Նուրգալիևը մանրամասն տեղեկացվեց նաև Հայաստանի տարածքային ամբողջականության և ինքնիշխանության նկատմամբ սանձազերծած ադրբեջանական ագրեսիայի հետևանքով Հայաստանի սահմանամերձ շրջաններում ստեղծված իրավիճակի մասին:

Հանդիպման արդյունքներով վերահաստատվեց դեսպանության և ինստիտուտի միջև շփումների հետևողական զարգացման շահագրգռվածությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր